– 29 сәуір – Халықаралық би күні, барлық биді біріктіруге қызмет етіп келе жатқан атаулы күн. Бұл өнер әртүрлі ұлт өкілдерінің басын қосып, ынтымақтастық пен бейбітшілікке баулып, этникалық қарым-қатынасты одан әрі нығайта түседі. Бидің де өз үні, өз тілі бар. Би де талғамды қажет етеді. Тілмен түсіндіре алмайтын жайтты сиқырлы қимыл ырғағымен жеткізуге болады. Өйткені онда терең философиялық ой жатады.

Дәстүр бойынша жыл сайын әлем халықтары осы күнді аса жоғары деңгейде атап өтеді. Әр елден жиналған би өнерінің иелері конкурстар өткізіп, оның атын жаңғырта түседі. Әркез өнерлеріңіз өрге озып, күндеріңіз сән-салтанатқа толы болсын! – деген лебізін жеткізді.

Аудандық оқушылар үйінің би үйірмесінің жетекшісі Гүлмариям Өтегенова бұл өнер әлемін қабылдаудағы талғампаздық тәрбие жайында сөз қозғады. Сондай-ақ білім және ғылым қызметкерлері кәсіподақ комитетінің төрағасы Әбілқасым Роман көркемдік талапты қажет ететін осы сала өнерпаздарына сәттілік тіледі.

Сахна төрінде мың бұрала би биленіп, тамылжыта ән шырқалды. Сонымен қатар бірқатар жастарға аудандық мәдениет және тілдерді дамыту бөлімі мен білім бөлімінің Алғыс хаттары табысталып, естелік сыйлықтар тарту етілді.