Президент шаруаларды қуаңшылық пен үсіктен келетін шығыннан қорғауға шақырды
Тиісті тапсырма Үкімет пен Қаржы нарығын реттеу және дамыту агенттігіне тапсырылды.
Фото: ЖИ көмегімен жасалдыПрезидент Қасым-Жомарт Тоқаев Қазақстанда шаруаларды түрлі тәуекелден сақтандырмаса еңбек зая кетіп, шығынға бататынын айтты, деп жазады inbusiness.kz сайты.
"Тағы бір өзекті мәселе – агросақтандыру жүйесін жетілдіру.Қуаңшылық, үсік және мал ауруы жылдар бойғы маңдай тер, табан ақыны желге ұшыруы мүмкін.Жергілікті климат жағдайына сеніп, жайбарақат отыруға болмайды. Бұл әуел бастан тиімсіз стратегия. Шығынды үнемі бюджеттен өтеу де проблеманы шешпейді. Сондықтан Үкімет Қаржы нарығын реттеу және дамыту агенттігімен бірлесіп аталған нарықты дамыту жөнінде нақты ұсыныстар беруі керек.Сонымен қатар шаруаларды тәуекелдерден алдын ала ерікті түрде сақтануға ынталандыратын шаралар қарастыру қажет", – деп мәлімдеді Мемлекет басшысы.












