Тіл – тәуелсіздік тірегі
Әйтеке би кенттік клубында аудандық мәдениет және тілдерді дамыту бөлімі мен «Қазақ тілі» қоғамдық бірлестігінің ұйымдастыруымен «Ұлы дала тірегі – тіл» атты шара өтті.Салтанатты кешке аудан әкімінің орынбасары Совет Бабанаев қатысып, жұртшылықты айтулы мерекемен құттықтады. Ол еркіндігіміз бен елдігіміздің негізгі тірегі – қазақ тілі екенін, оның ұлттың ауызбіршілігін сақтауда үлкен маңызға ие болып жүргенін жеткізді.
Мұнымен қатар, шараға республикалық «Тіл сақшысы» газетінің жауапты хатшысы Ж.Аманов және аудандық мәдениет және тілдерді дамыту бөлімінің басшысы А.Лайық, аудандық «Қазақ тілі» қоғамдық бірлестігінің төрағасы А.Тамашев қатысып, көпшілікті мерекемен құттықтады.
Жиын барысында жоғарғы дәрежелі «Қазақ тілі» медалімен Темірбек Смайылов, Мұрат Бекмамбетов, Бәйтелі Ахмет секілді азаматтар марапатталды.
Ал, бірінші дәрежелі «Қазақ тілі» медалін Орақ Баубеков, Әбілхан Сәдіров, Сәкен Қабыловтар кеуделеріне тақты.
Сондай-ақ, шарада «Абай аманаты», облыс, аудан әкімдерінің «Алғыс хаттары», облыстық ішкі саясат басқармасының «Алғыс хаты», республикалық «Қазақ тілі» қоғамының «Құрмет грамоталары» өз иелерін тапты.
Аталмыш жиында әріптесіміз, аудандық «Қазалы» газетінің корректоры Гүлдана Жұмаханова да аудан әкімінің «Алғыс хатын» иеленді.
Е.ТАБЫНБАЕВ
