Қазақстан халқы тілдері мерекесі тойланды

Қазалы аудандық мәдениет және тілдерді дамыту бөлімі және «Қазақ тілі» қоғамы, №70 мектеп ұжымының бірлесіп ұйымдастыруымен Қазақстан Халқы Тілдері күніне орай «Ұлы дала тірегі – тіл» атты іс-шара өткізілді.

Салтанатты шараға аудан әкімінің орынбасары С. Бабанаев қатысып, аудан халқын мерекемен құттықтады. Сондай-ақ аталмыш кешке республикалық «Тіл сақшысы» газетінің жауапты хатшысы, ақын, журналист Ж. Аманов және аудандық мәдениет және тілдерді дамыту бөлімінің басшысы А. Лайық қатысты. Жиын барысында тіл жанашырлары Жоғары дәрежелі және І дәрежелі «Қазақ тілі» медалімен, «Абай аманаты» төсбелгісімен, аудан әкімінің «Алғыс Хатымен», сондай-ақ республикалық, облыстық, аудандық «Қазақ тілі» қоғамының «Құрмет Грамотасымен» марапатталды.

Әдемі кеште аудан өнерпаздары өз өнерлерін көрсетіп, ән мен күймен шашу шашты.