Қазалы Қазалы аудандық қоғамдық-саяси газет
» » Егінге орақ түсті

Егінге орақ түсті

Бүгін Қазалы ауданы бойынша Аранды ауылдық округінде күріш ору науқаны басталды. Алғаш күрішке орақ салған Қожабақы ауылындағы «Агро-өркен» ЖШС-де аудан әкімі М.Ергешбаевтың қатысуымен дәстүрлі «Дала күні» семинар-кеңесі болып өтті.
Семинар-кеңеске "РЗА" АҚ президенті, облыстық қоғамдық кеңес төрағасы С.Имандосов, Қазалы аудандық қоғамдық кеңесінің төрағасы, аудандық мәслихат депутаты Қ.Әлімбай, аудан әкімінің орынбасары С.Бабанаев, Қазалы аудандық Мәслихатының хатшысы К.Назымбеков, "Нұр Отан" партиясы Қазалы филиалы төрағасының бірінші орынбасары Қ.Мамбетжан, еңбек ардагерлері С.Нармағанбетов, Е.Мәли, М.Әлиев, Қ.Саниязов, Н.Кадиров, сондай-ақ, дербес бөлім басшылары, ауылдық округі әкімдері мен дала еңбеккерлері жиналды.
Семинарға қатысушылар алдымен Жанқожа баба кесенесінде болып, әруақтарға құран бағыштады. Одан кейін егіс алқабына жол тартып, пленарлық мәжіліске қатысты.
Аудан әкімі М.Ергешбаев дихандарды алғашқы егін орағымен құттықтап, егін орағының лентасын қиды. Ендігі міндет – қырмандағы астықты ауа райының қолайлы шағын пайдаланып, ел ырысына айналған күріш дақылын ысырапсыз тез арада жинап алу болмақ. Бұған жергілікті жерде барлық жағдай жасалған, яғни, адам күші мен техника жеткілікті.
Биыл аудан бойынша 17 790 гектар жерге дәнді дақылдар егілсе, оның ішінде негізгі дақыл – күріш 6800 гектаржерге орналастырылды.Бұлкөрсеткіш өткен жылмен салыстырғанда 435 гектарға артық.
Сондай-ақ,17 790гектарға орналастырылған дақылдардың 7477 гектары дәнді дақылдар, 7422 гектары-мал азықтық дақылдары, 2250 гектары - картоп, көкөніс, бақша, 641 гектары - майлы дақылдар.
Алғашқы егінге орақ салған Қазалы ауданының дихандары бітік өскен күріш алқаптарынан жиналған биылғы дән қамбаны еселеп толтырады деген сенімде.
Лайым, қамбамыз дәнге, даламыз әнге толсын!
"ҚАЗАЛЫ" ақпарат.
20 қыркүйек 2018 ж. 639 0

Бүгінгi жаңалықтар

Жаңалықтар мұрағаты

«    Қазан 2019    »
ДсСсСрБсЖмСбЖс
 123456
78910111213
14151617181920
21222324252627
28293031