Мерекелік құттықтау
Құрметті денсаулық сақтау саласының қызметкерлері!Сіздерді кәсіби мерекелеріңіз – медицина қызметкерлері күнімен шын жүректен құттықтаймын!
Бұл күн құрмет пен алғысқа бөленген Гиппократ антына адал ақ халатты абзал жандардың мерекесі. Үмiтке үмiт жалғап, деннің саулығын, ғұмырдың ұзақтығын сабақтастырып жататын осы дәрігерлер қауымы. Науқастардың дертіне дауа сыйлаушы, әрбір емделушінің жағдайын жасап, олардың тез жазылуына септесіп жүрген олардың еңбегі ерекше.
Аудандағы Қазалы теміржол ауруханасы мен жаңа ғимаратқа көшкен ауданаралық аурухана да заманауи медициналық аппараттармен қамтамасыз етілген. Осындай соңғы үлгідегі жаңа медициналық технологиялардың енгізілуі аудан тұрғындарының денсаулығын жақсартуға оң ықпал етуде.
Ардақты дәрігерлер!
Қымбатты сала мамандары!
Сіздерді кәсіби мерекелеріңізбен тағы да құттықтай отырып, төгілген тер, танытқан төзімдеріңізге алғыс айтамын. Алдағы уақытта да көптің ризашылығына бөленіп, ел өмірінің жақсаруына өз үлестеріңізді қоса берулеріңізге тілектеспін.
Шипалы қолдарыңыздан емін тапқан азаматтар көп болсын. Отбасыларыңызға, өздеріңізге амандық, саулық тілеймін.
Мемлекетіміздің медицина саласына адал қызмет етіп, абыройлы болыңыздар. Еліміздің бүгіні баянды, ертеңі нұрлы, келешегі келбетті болсын!
Құрметпен,
Қазалы ауданының әкімі
Мұхтар ОРАЗБАЕВ
