Орманшыларға құрмет көрсетілді
Жұма күні Қазалы ауданы әкімдігінің мәжіліс залында орманшылар күні мерекесіне орай салтанатты шара өтті. Шараға осы салада ұзақ уақыт еңбек еткен ардагерлер мен бүгінгі кезде жұмыс істеп жүрген орманшылар қатысты.Басқосуды аудан әкімі Мұхтар Оразбаев құттықтау сөз сөйлеп ашып, ізгі лебізін жеткізді.
Мұнан соң Қазалы орман мен жануарлар дүниесін қорғау мекемесінің орманшы-инспекторы Амантай Ідіріске «Құрметті ардагер» төсбелгісін табыс етті.
Сондай-ақ, Қазалы орман мен жануарлар дүниесін қорғау мекемесінің орманды күзету және қорғау жөніндегі орман патологі-инженері Нұрлан Мұстафаев І дәрежелі «Еңбек даңқы», Қазалы орман мен жануарлар дүниесін қорғау мекемесінің орманшы-инспекторлары Жайсаңбек Байсүйеу мен Қайрат Меңдібай ІІ дәрежелі «Еңбек даңқы» төсбелгісімен марапатталды.
Одан бөлек, тағы бірқатар орманшыларға аудан әкімінің «Алғыс хаты» мен ауыл шаруашылығы қызметкерлерінің салалық кәсіптік одағының «Құрмет грамоталары» тапсырылды.
Салтанатты шарада ардагер орманшы Алмас Аяпбергенов орманшылардың атынан алғысын айтып, ризашылығын білдірді.
"ҚАЗАЛЫ" ақпарат
