Игі дәстүрлер ұлықтаған күн
Наурызнама жалпыұлттық онкүндігі аясында №28 «Ақбота» бөбекжай-балабақшасында 14 наурыз – Көрісу күніне орай тәрбиелік іс-шара ұйымдастырылды.Мереке күні балабақша қызметкерлері ұлттық киім киіп, бүлдіршіндердің бойына қазақ халқының көне дәстүрі – Амал мерекесі, яғни көрісу күні туралы түсінік қалыптастырды.
Іс-шара барысында ата-аналар да белсенді қатысып, төс қағысу мен қол алысу дәстүрлерін көрсетіп, балаларға мән-маңызын түсіндірді. Сонымен қатар әжелер ансамблі ән айтып, шашу шашып, мерекенің сәнін келтірді.
Ұлттық құндылықтарды дәріптеген іс-шара балаларға ерекше әсер сыйлады.
Рсалы БЕРЖАНОВА
