Қазақстан Республикасы Конституциясының 28-бабы

Тұрғын үй – адамның қауіпсіз әрі қалыпты өмір сүруіне қажетті негізгі құндылықтардың бірі. Сондықтан заң әр азаматтың тұрғын үйіне қол сұғылмауын қамтамасыз етеді. Конституцияда сот шешімінсіз тұрғын үйден айыруға және азаматты тұрғын үйінен шығаруға жол берілмейтіні нақты көрсетілген.
Сонымен қатар тұрғын үйге басып кіру, оны қарап-тексеру немесе тінту де заң талаптарына сай жүргізілуі тиіс. Мұндай әрекеттер тек заңда белгіленген жағдайларда және көзделген тәртіппен жүзеге асырылады. Бұл норма азаматтардың жеке өміріне, қауіпсіздігіне және мүліктік құқықтарына заңсыз араласудан қорғайды.
Конституцияның 28-бабы азаматтардың тұрғын үймен қамтамасыз етілуіне де ерекше мән береді. Қазақстан Республикасында өз азаматтарының тұрғын үймен қамтамасыз етілуіне жағдай жасау міндеті қарастырылған. Тұрғын үйге мұқтаж азаматтарға заңда белгіленген санаттар мен нормаларға сәйкес тұрғын үй беріледі.
Бұл – мемлекеттің әлеуметтік бағыттағы маңызды міндеттерінің бірі. Себебі баспана мәселесі әр отбасының әл-ауқатына тікелей әсер етеді. Тұрғын үйге мұқтаж азаматтарды қолдау арқылы мемлекет халықтың әлеуметтік тұрақтылығын қамтамасыз етуге ықпал етеді.