Шығыс Қазақстанда алғашқы қар жауды
Шығыс Қазақстан облысында алғашқы қар жауды, - деп хабарлайды tengrinews.kz14 тамызда таңертең Мұзтау шыңының айналасын қар басып қалды.
"Соңғы 10 жылда осы уақытта қар жауғаны есімізде жоқ. Алғашқы қарды Мұзтау етегінде көрдік", - делінген Altay-pro лагерінің Instagram-парақшасында.
Айта кетейік, лагерь теңіз деңгейінен 1950 метр биіктікте тау етегінде орналасқан.
15 тамызда синоптиктер Шығыс Қазақстан облысында ауа райына байланысты ескерту жариялаған болатын. Түнде облыстың таулы аймақтарында жауын-шашын (жаңбыр, бұрқасын) күтіледі. Күндіз облыстың солтүстігі мен шығысында найзағай күтіледі. Күндіз оңтүстік-батыстан соғатын жел облыстың солтүстігінде, шығысында секундына 15-20 метр.
