Партиялық Кәукейде салынып жатқан клуб пен Тасарық-Тасөткел жолын көрді
Бүгін аудандық партия филиалының төрағасы Ғазиз Әліш, партия филиалының Атқарушы хатшысы Нұрғиса Жалғасбаев және Партиялық бақылау комиссиясының мүшелері Күншығар Әбілов пен Райымбек Бөлебаев Кәукей ауылында салынып жатқан 100 орындық клуб құрылысы көрді.
Бүгінде нысанның ішкі жабдықтарын орнату, әрлеу жұмыстары және сыртқы абаттандыру жұмыстары жүруде. Жасалып жатқан жұмыстарды партия атынан сайланған ауылдық окург әкімі Оңталап Мүсілім таныстырды.
Өз кезегінде партиялықтар құрылыс партияның бақылауында екенін айтып, мердігер мекеме тарапынан жұмыс қарқыны күшейтілуі керектігін жеткізді.
Мұнан соң аманаттықтар Тасарық - Тасөткел аралығындағы жолдың жайымен танысты. Қазір мұнда жүріп жатқан жұмыстар туралы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Рахметулла Ізтілеу айтып берді.
#AMANAT
