Партиялық бақылау жұмыстары жалғасуда
Бүгін «AMANAT»-тың Қазалы аудандық филиалына қарасты Партиялық бақылау комиссиясының төрағасы Әділбек Сарабеков пен комиссия мүшесі, партия филиалының Атқарушы хатшысы Нұрғиса Жалғасбаев Абай ауылындағы орамішілік газ желілерін жүргізу жұмыстарын көрді.Жоба құны – 357,735 млн.теңге болатын құрылысқа жауапты мердігер – «Ремстрой» ЖШС. Жалпы ұзындығы 15,090 шақырымды құрайтын газ құбыры арқылы 193 тұрғын үй және 8 әлеуметтік нысан «көгілдір отынға» қосылмақ.
Мұнан соң аманаттықтар партияның сайлауалды бағдарламасы шеңберінде салынып жатқан амбулатория құрылысына арнайы барды. Мердігер мекеме өкілімен нысанды аралап, жасалып жатқан жұмыстарды бақылады.
Бүгінгі күнге ішкі әрлеу, ішкі есіктерін орнату, инженерлік жүйелерін жүргізу, еден орнату және сыртқы абаттандыру сияқты жұмыстар атқарылуда.
#AMANAT
"ҚАЗАЛЫ"ақпарат
