Аудан басшысы майдангермін жүздесті

Ардагерлерді ардақтап, қарттарды құрметтеу – қазақтың қанына сіңген үрдіс. Бүгінгі бақытты өмірге жеткеніміздің өзі – сол аға буынның арқасы.
Бүгінгі таңда Қазалы ауданында сұрапыл соғыста қолына қару алып, болашақ ұрпақ үшін от кешкен екі бірдей Ұлы Отан соғысының ардагері тұрады. Оның бірі Бекарыстан би ауылында тұратын Қабақ Смағұл ақсақал.
Кеше аудан әкімі Мұхтар Оразбаев ауылдарға жасаған жұмыс сапары барысында ғасыр жасаған майдангердің шаңырағына барып, ақсақалға сәлем берді.
Қос ғасырдың куәсі болған қария арнайы ат басын бұрған аудан басшысына шынайы ризашылығын жеткізіп, ел игілігі үшін жасап жатқан қызметіне абырой мен табыс тіледі.