Мұхтар Оразбаев Ұлы Отан соғысы ардагерлерін мерекемен құттықтады

Аудан басшысы алдымен Бекарыстан би ауылындағы Қабақ Смағұлдың отбасына арнайы барып құттықтап, сый-сияпат тарту етті. «Ерлік елге мұра, ұрпаққа үлгі» деген Мұхтар Оразбаев сұрапыл соғыстағы майдангерлердің көрсеткен жаужүрек ерліктеріне бүгінгі ұрпақ бас иетінін айта отырып, Отан үшін кеудесін оққа тосып, бейбіт өмір сыйлаған қарт жауынгерге алғысын білдірді.
Бұдан кейін Мұхтар Әуесұлы Әйтеке би кентінде тұратын соғыс ардагері Тілеуберген Тобабергеновке аудан әкімінің құттықтау хатын беріп, мерекелік сыйлықтар табыс етті.
Майдангер қарияларды аудандық ардагерлер кеңесінің төрағасы Оразғали Бекбанов та мерекелерімен құттықтап, ізгі лебізін жеткізді.

Ал соғыс ардагерлері ел үшін шайқасқан майдангерлерге әрдайым құрмет көрсетіп, әлеуметтік тұрғыда қолдау білдіріп жатқан аудан басшыларына ризашылығын білдірді.