Аудан басшысы алдымен Қазалы қаласында тұратын Қалеп Бектұрғановтың отбасында болып, балаларынан ақсақалдың жағдайын сұрады. Сырқаттанып жатқан қарт майдангердің тезірек жазылып, қатарға қосылуын тілеген Мұхтар Оразбаев сый-сияпаттарын табыс етті.Аудан әкімі Мұхтар Оразбаев мұнан соң Әйтеке би кентінде тұратын Тілеуберген Тобабергеновке сәлем беріп, қарт майдангердің қал-жағдайын білді. Жасы 97-ге келген ақсақалдың иығына шапан жапты.

Ұлы Отан соғысының ардагері өз кезегінде аудан басшысына алғысын айтып, еліміздің Тәуелсіздігі мәңгі болсын деген тілегін жеткізді.