Қасиетті Қазалы өңірінде кеудесі өсиетке, тұлғасы қасиетке толы абзал ақсақалдарымыз бен ақ жаулықты әжелеріміз жетерлік. Мұндай қазыналарымыз өскелең ұрпаққа үлгі-өнеге, ақылшы, тірегі болып келеді.
Сондай жандардың бірі - Ұлы Отан соғысының ардагері Тілеуберген Тобабергенов ақсақал.
Бүгін қос ғасырдың куәсі болған майдангер - 100 жасқа толды. Соған орай аудан әкімі Мұхтар Оразбаев соғыс ардагерінің шаңырағына арнайы барып, облыс әкімінің “Құттықтауын” табыстады.
Мұхтар Әуесұлы Тілеуберген ақсақалдың сұрапыл соғыстағы көрсеткен жаужүрек ерлігі бүгінгі ұрпаққа үлкен өнеге екенін айтып, бейбіт өмір сыйлаған қарт жауынгерге алғысын білдірді.
Соғыс ардагері де мереке қарсаңында құрмет көрсетіп, жылы лебізін жеткізген аудан басшысына ризашылығын айтып, ақ батасын берді.
Айта кетейік, майдангерді құттықтауға аудан әкімімен бірге Қызылорда облысының және Қазалы ауданының құрметті азаматы Самұрат Имандосов, аудандық ардагерлер кеңесінің төрағасы Оразғали Бекбанов және аудандық мәслихат депутаты Шәкизада Келімбетқызы барды.