«AMANAT» партиясының Сайлауалды бағдарламасының орындалу барысын жүйелі бақылап отыру үшін бүгінде аудан бойынша 10-ға жуық партиялық бақылау бекеттер құрылған.
Осы мақсатта Жанқожа батыр ауылындағы «Жайлы мектеп» ұлттық жобасы аясында бой көтеріп жатқан жаңа білім ошағы құрылысының мерзімінде пайдалануға берілуін, құрылыс сапасын бақылау мақсатында партиялық бекет ашылып, жұмысын бастады.

Бүгін аудандық Партиялық бақылау комиссиясының төрағасы Әділбек Сарабеков пен комиссия мүшесі, партия филиалының Атқарушы хатшысы Нұрғиса Жалғасбаев құрылыс басына арнайы барып, барысын көрді. Құрылысы қараша айының басында басталған білім беру мекемесін бас мердігер «Асар» ЖШС салуда. Қазіргі таңда мұнда іргетасын құю жұмыстары қызу жүруде.

Өз кезегінде аманаттықтар мердігер мекеме өкілдеріне партиялық бақылау бекеті нысан толық пайдалануға беріліп, жұмыстары аяқталғанға дейін жұмыс жүргізетін айтып, алдағы жасалатын құрылыстың жобалық құжаттарымен танысты.

#AMANAT