Қазалы Қазалы аудандық қоғамдық-саяси газет
» » Қызылорда облысында тағы бір жоба қолдау тапты

Қызылорда облысында тағы бір жоба қолдау тапты

Қызылорда облысында тағы бір жоба «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы»аясында қолдау тапты.
Жеке кәсіпкер Бегликбаев Бахтибай Байқасынұлы жолаушылар тасымалымен айналысады. Қазіргі таңда кәсіпкерде ГАЗ 3224 маркалы автокөлігі бар, ол қалалық жолаушыларды тасымалдауды қамтамасыз етеді және балаларды балабақшаға тасымалдау үшін қолданады. Бірнеше жыл қолданыста болып үздіксіз жұмыстардың әсерінен көлік құралын жүйелі жөндеу қажеттілігі туындап, балаларды тасымалдауға автокөлікті жаңарту немесе сатып алу керек болды.Жоспарының жүзеге асырылу жолдары туралы ақпарат алу мақсатында кәсіпкер «Даму» қорының Кәсіпкерлерге қызмет көрсету орталығына келіп, Нәтижелі жұмыспен қамту және жаппай кәсіпкерлікті дамыту бағдарламасының шарттары туралы естіді.
КҚКО кеңесшісі Ундирбаева Шолпан бағдарламаның шарттарымен таныстырып қана қоймай, кәсіпкер жобасын қаржыландыруға дейін Екінші деңгейлі банкке сүйемелдеу қызметін көрсетті. Нәтижесінде Қызылорда қаласындағы «АТФ Банк» АҚ филиалы жеке кәсіпкер Бегликбаев Бахтибайдың жобасын мақұлдап, Нәтижелі жұмыспен қамту және жаппай кәсіпкерлікті дамыту бағдарламасы аясында 6% сыйақымен 5 млн.теңге несие қаражатын бөлді, сонымен қатар «Даму» Қорының 50% көлемде кепілдендіруін пайдаланды.
Еске сала өтсек, Нәтижелі жұмыспен қамту және жаппай кәсіпкерлікті дамыту бағдарламасы аясында бизнесті бастау немесе оны дамыту мақсатында Қызылорда облысы бойынша келесі Екінші деңгейлі банктерден несие рәсімдеуге болады: «Сбербанк» АҚ, «Қазақстан Халық Банкі» АҚ және «АТФ Банк» АҚ. Бағдарламаға жұмыссыз, бастауыш және әрекет етуші кәсіпкерлер қатыса алады. Қаржыландыру бағыты -сауда саласының айналым қаражатын толтырудан басқа кез келген бизнес түріне беріледі. Несие бойынша сыйақы мөлшері 6 пайыз ғана.
Нәтижелі жұмыспен қамту және жаппай кәсіпкерлікті дамыту бағдарламасы бойынша толық ақпарат алу үшін немесе өзге де кәсіпкерлікті қолдауға бағытталған бағдарламалар бойынша кеңесті "Даму" Қорының Кәсіпкерлерге қызмет көрсету орталығынан келіп білуге немесе 55-11-18 телефоны бойынша кеңес алуға болады.
26 желтоқсан 2017 ж. 419 0

Жаңалықтар мұрағаты

«    Тамыз 2019    »
ДсСсСрБсЖмСбЖс
 1234
567891011
12131415161718
19202122232425
262728293031