Медицина ғылымдарының кандидаты, диетолог дәрігер Ирина Бережная Sputnik радиосына берген сұхбатында осындай мәлімдеме жасады.

Мұндағы жаңсақтық ішіп-жейтін азығыңның мөлшерін білмегендіктен. Сабаңа түсу үшін міндетті түрде тұтас тортты немесе 4-5 балмұздақты жеу шарт емес. Шоколадтың бір түйірі де жеткілікті.

Оның айтуынша, жегенде өзіңіз ләззат алатын азықты таңдауыңыз керек. Ең бастысы – шектеп жеп үйрену керек. Қарын тойдыру үшін емес, тек ләззат алу үшін жеңіз. Ләззат – стресті еңсерудің бірден-бір жолы. Міндетті түрде азықтан ләззат алуды ғана білдірмейді. Көңіліңіз қалаған, қол жеткізе алатын нәрседен ләззат алып үйрену керек.

Осы орайда мынадай қызықты дерек келтіре кеткенді жөн көрдік. Әдетте тоқ адам тамақты тек ләззат алу үшін жейді. Дегенмен бұл ойы орындала бермейді, өйткені, аш адамға қарағанда, тоқ адамның азықтан ләззат алуы неғайбыл.

Ғалымдардың зертеуіне сүйенсек, тоқ адам дәм сезу қабілетінің 25 процентінен айрылып қалады. Сол себепті, тойып тамақтануға болмайды.