Қазалы Qazaly.kz ақпараттық агенттігі
» » Коронавирустың жеңіл түріне шалдыққандардың тамағы қызарып, мұрны бітеледі

Коронавирустың жеңіл түріне шалдыққандардың тамағы қызарып, мұрны бітеледі

Денсаулық сақтау министрінің міндетін атқарушы Ләззат Ақтаева коронвирустың жеңіл түрін сипаттап берді, деп хабарлады Sputnik Қазақстан.

"Коронавирустың жеңіл түрімен ауыратындар тыныс алудан қиналмайды. Дене қызуы қалыпты немесе 38 градустан төмен. Сосын кабыну белгілері болады. Мысалы, тамағы қызарып кетеді, я болмаса, жыбырлап тұрады. Мұрны бітеледі, аздап жөтел пайда болады. Пульс минутына 60-80 рет соғады", - деді Ақтаева онлайн брифингте. Оның айтуынша, коронавирустың жеңіл түрімен ауыратындар және симптомсыз науқастар тест оң нәтиже көрсетсе де, ауруханаға жатқызылмайды. Оларды емхана дәрігері қашықтан бақылап отырады. "Ал пациенттің басы ауырып, әлсіреп, денесі сырқырап, қызуы 38 градустан асса, демікпе секілді интоксикация белгілері білінсе, коронавирустың ауыр түрі басталды деген сөз. Ондай науқастар стационарда емделуі керек", - деп түсіндірді Ақтаева.


19 маусым 2020 ж. 535 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031