Бейсенбіде Қызылорда облыстық мәдениет, архивтер және құжаттама басқармасының ұйымдастыруымен Жастар жылына және Әйтеке бидің 375 жылдығына арналған "Жастар жырлайды" атты республикалық ақындар айтысы ұйымдастырылды. Жыр додасында республиканың танымал айтыскер ақындары ұлттық өнерді ұлықтады. Қазылар алқасына ақын Жүрсін Ерман төрағалық етті. Қазылар алқасының шешімімен Қазалы ауданының тумасы жас ақын Нұрзат Қару қатысып ынталандырумен марапатталды.

Сонымен қатар, Қызылорда қаласы әкімдігінің ұйымдастыруымен жұма күні А.Тоқмағамбетов атындағы мәдениет үйінде Елбасы Н.Назарбаевтың "Ұлы даланың жеті қыры" атты тағылымы мол мақаласы және Жастар жылы аясында ұлттық өнер мен мәдениетімізді насихаттау мақсатында "Жастықтың оты жалындап" атты республикалық жас ақындар айтысы өтті. Жыр додасына республиканың әр аймағынан 10 жас айтыскер қатысқан еді. Қазылар алқасының шешімімен қазалылық жас айтыскер ақын Қару Нұрзат Талғатқызы І дәрежелі дипломмен марапатталды.