«Кедергісіз келешек»: партия алаңында мүмкіндігі шектеулі жандардың ұсыныстары тыңдалды
Бүгін аудандық партия филиалының мәжіліс залында «Кедергісіз келешек» партиялық жобасы шеңберінде мүмкіндігі шектеулі жандармен кездесу өтті. Жиынды ашқан аудан әкімінің орынбасары Дәурен Тлеуімбетов кездесудің негізгі мақсатына тоқталып, жиынға қатысушы азаматтарға сөз кезегін ұсынды.Өз кезегінде сөз алған мүмкіндігі шектеулі жандар оңалту орталықтарына бару үшін квота бөлу, ақылы қоғамдық жұмыстарға тарту, мәдени іс-шараларды ұйымдастыру бойынша мәселелерді көтерді. Сондай-ақ жиында аудандық мәслихат депутаты Есет Табынбаев сөз алып, бірқатар ұсыныс-пікірлерін жеткізді.
Кездесу қорытындысы бойынша аудан басшысының орынбасары Дәурен Оңғарбайұлы ұсыныстар шеңберінде жауапты тұлғаларға нақты тапсырмалар жүктеп, аудан көлемінде мүгедектігі бар адамдарға жағдай жасау бағытындағы жұмыстар жалғаса беретіндігін атап өтті.
Айта кетейік, жиынға аудандық қоғамдық даму бөлімінің басшысы Қайрат Әбубәкірұлы, аудандық Жастар ресурстық орталығының директоры, «Жастар рухы» ЖҚ аудандық филиалының жетекшісі Нұрбек Ақпанбетов және тиісті сала мамандары қатысты.
#AMANAT
