Қазалы Qazaly.kz ақпараттық агенттігі
» » Аймақтық қоғамдық кеңес төрағалары партияластармен кездесті

Аймақтық қоғамдық кеңес төрағалары партияластармен кездесті

Бүгін аудандық партия филиалының мәжіліс залында аймақтық қоғамдық кеңес төрағаларымен кездесу жиыны өтті.
Жиынды ашқан аудандық партия филиалының Атқарушы хатшысы Нұрғиса Жалғасбаев ең алдымен ауданға арнайы келген облыстық партиялық бақылау комиссиясының төрағасы Нұркен Бақытбекұлын және облыстық экологиялық қоғамдық кеңес төрағасы Нұрбол Аппазовты таныстырып өтті.
Өз кезегінде сөз алған облыстық партиялық бақылау комиссиясының төрағасы Нұркен Бақытбекұлы жиынның негізгі мақсатына тоқталып, партияластардың ұсыныстарын тыңдау бойынша пікірлесуге кезек берді.

Кездесу жиынында қатысушылар тарапынан аудан бойынша бірқатар өзекті мәселелер бойынша ұсыныстар түсті. Атап айтқанда Әйтеке би кентіндегі 5 кварталға өтетін аспалы көпір салу, электр желілерінің тозу деңгейінің алдын алу, Әйтеке би кентіндегі жылу электр орталығына жөндеу жұмысын жүргізу, кәсіпкерлерге қолдау көрсету, ауыл жастары саясатын дамыту, елді мекендерді көгілдір отынмен қамтамасыз ету сынды т.б. мәселелер айтылып, ұсынымдар қабылданды.

Мұнан соң кезекті кездесу жиыны «Қазалы» БПҰ орналасқан Қазалы орман және жануарлар дүниесін қорғау мекемесінде жалғасты. Жиын барысында бірқатар аманаттықтар аталған мекемеге жаңа ғимарат және арнайы көлікттердің қажеттігін атап өтті. Аталған үсыныстармен танысқан қоғамдық кеңес төрағалары партиялық бақылауға алынып, тиісті жұмыстар атқарылатындығын атап өтті.

Айта кетейік аталмыш жиындарға аудандық мәслихат төрағасы, облыстық, аудандық мәслихат депутаттары, партия филиалы жанындағы қоғамдық кеңес төрағалары, партия ардагерлері мен белсенділері қатысты.

09 қаңтар 2023 ж. 278 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031