Министрлік қазақстандық әскери кадрларды 7 шет мемлекетте оқытады
Қорғаныс министрлігі қажеттілікке байланысты әскери кадрларды шет елдерде оқытады. Орталық коммуникациялар қызметінде өткен брифнгіде Әскери білім және ғылым департаментінің басшысы Жұмабек Ахметов осылай мәлімдеді, деп хабарлайды inform.kz.«Қорғаныс министрлігінің оқу орындары жақын және алыс шет елдерде әскери білім алу үшін азаматтарды іріктеуді жүзеге асырады. Ұшу, теңіз, құрлық, инженерлік, медициналық және гуманитарлық мамандықтарды Ресей, Беларусь, Армения, АҚШ, Түркия, Үндістан және Пәкістан қорғаныс ведомстволарының әскери жоғары оқу орындарынан алуға болады», - деп тоқталды Жұмабек Ахметов.
Қоса кетсек, бұған дейін депатрамент бастығы биылдан бастап мерзімді әскери міндетін атқарған жастар Қорғаныс министрлігінің оқу орындарына емтихансыз қабылданатынын айтқан еді.
