Сыр журналистеріне Жайна Сламбек тәжірибесімен бөлісті
Ішкі саясат басқармасының ұйымдастыруымен “Аналитикалық – сараптамалық материалдар туралы теориялық ақпарат. Журналистикадағы сараптамалық жанрлар” және “Мақала жазудағы тіл тазалығын сақтаудың маңыздылығы” тақырыбында семинар-тренинг өтті. Шарада қазақ журналистикасында өзіндік ерекше орны бар Жайна Сламбек пен “Сыр бойы” газеті редакторының орынбасары – Гүлзира Жалғасова өз тәжірибелерімен бөлісті.Семинарға сыр журналистері, осы саланың болашақ мамандары қатысты.
Жайна Сламбек “Журналистикадағы сараптамалық жаныр жайында” дәріс оқып, журналистика саласында 10-15 жыл ішінде өзгеріс болатынын тілге тиек етті.
- Көпшілік журналист өлетін мамандық" дейді. Ал мен бұл мамандық жоғалып кетеді немесе бар болады деп те айталмаймын. Талап күшейген сайын журналистер сұрыпталады. Бұл саланың мамандарында энциклопедиялық білім, ізденімпаздық болу керек,- деді Жайна Сламбек.
Сонымен қатар, сырбойылық журналист Гүлзира Жалғасова мақала жазу барысындағы қателіктерге жол бермей, тіл тазалығын сақтау керектігін атап өтті.
- Мақаладағы қате – ұры іспетті, қайдан келіп қалғанын білмейсің. Сондықтан да мақала жазғанда толық тексерістен өткізіп жолдаған абзал, -деді Гүлзира Жалғасова.
Шара барысында білікті тренерлер қатысуышлармен пікір алмасып, пайдалы деректермен сусындатты.
Осыған дейін облыстық ішкі саясат басқармасының тапсырмасы бойынша "Ұшқыр жебе" қоғамдық қоры Сыр журналистеріне арнап семинар-тренинг ұйымдастырып келеді. Республикалық, өңірлік білікті журналистер мен сарапшылар дәріс оқып, Сыр журналистері өз біліктіліктерін арттыруда. Аталмыш шара облыстық БАҚ өкілдері үшін алдағы уақытта да жалғасын табады.
