Семинар-тренинг өткізілді

Әйтеке би кенті әкімдігінің мәжіліс залында Қызылорда облыстық ішкі саясат басқармасы және "Руханиятты қолдау" қоғамдық қорының ұйымдастыруымен "Көпшілік алдында сөз сөйлеу: аудиторияны меңгерудің психологиялық аспектілері және ораторлық қабілет" тақырыбында семинар-тренинг болып өтті.

Оқыту курсында Қорқыт Ата атындағы ҚМУ қауымдастырылған профессор м.а., психология ғылымдарының докторы Аяғанова Алмагүл Жанділдәқызы мен Қорқыт Ата атындағы ҚМУ қауымдастырылған доценті, экономика ғылымдарының кандидаты Құлмырзаев Нұрлан Серікұлы дәріс оқыды.

Талқылау, сұрақ-жауап түрінде өтетін семинар-тренингте көпшілік алдындағы сөйлеудің әртүрлі ерекшеліктері туралы айтылды.

Шараға мемлекеттік қызметкерлер, ақпараттық топ мүшелері мен белсенді жастар қатысты.