UFC 230: Кормье Льюисті жеңіп, атағын қорғап қалды
Аралас жекпе-жектен америкалық файтер Даниэль Кормье ауыр салмақтағы UFC белбеуін қорғап қалды.
Ол отандасы Деррик Льюиспен Нью-Иоркте өткен UFC 230 турнирінің басты жекпе-жегінде кездесті. Кормье шілдеде Стипе Миочичті нокаутқа түсіріп, титулды иеленген еді. Ол ирландиялық Конор МакГрегордан кейін UFC тарихында екі дивизионда бірдей чемпион атанған екінші файтер атанды. Турнирде бразилиялық Роналдо Соуз бен америкалық Крис Вайдмэн кездескен. 38 жастағы бразилиялық үшінші раундта қарсыласын нокаутқа түсіріп, жеңіске жетті.
