МакГрегор мен Нурмагомедов көз арбасты
Жеңіл салмақта UFC чемпионы ресейлік Хабиб Нурмагомедов пен ирландиялық спортшы Конор МакГрегор 6 қазан күні өзара жекпе-жек өткізеді. Спортшылар Нью-Йоркте алғаш рет баспасөз жиынын өткізіп, көз арбасты. Ирландиялық ережесіз жекпе-жек шебері құйтырқы әрекеттерін жасап баққанмен, Хабиб Нурмагомедов сабыр сақтап, міз баққан жоқ. Екі спортшы Лас-Вегаста өтетін UFC 229 кешінің басты жекпе-жегінде кездеседі. Ресейлік спортшы чемпиондық атағын алғаш рет қорғайтын болады.
Хабиб Нурмагомедов кәсіпқой мансабында 26 жекпе-жек өткізіп, барлығында жеңіске жеткен. Ал Конор МакГрегор 2016 жылдан бері UFC жарыстарына қатысқан жоқ. Оған дейін 21 рет жеңіске жетіп, 3 мәрте ұтылған.
Толығырақ: https://massaget.kz
