Қоғамның басты байлығы адам денсаулығы екені күмәнсіз. Ал, қазақ халқы «Бірінші байлық – денсаулық» екенін ертеректен білген.

Жуырда, Әйтеке би кентінің орталығында орналасқан «Нұр» дәріханасында «Міндетті әлеуметтік медициналық сақтандыру – сапалы әрі қолжетімді медициналық көмек» тақырыбында шара өткізілді. Оған аудандық емхананың дәрігері Жанар Қожағұлова, аудандық жастар денсаулығы бөлімінің дәрігері Әйгерім Алиева, аудандық салауатты өмір салтын қалыптастыру бөлімінің жауапты маманы Айман Құлахметова қатысып, түсіндірме жұмыстарын жүргізді. Сондай-ақ, олар тұрғындарға қолжетімді медициналық көмектер көрсетіп, түрлі аурулардың алдын алу бағытында кеңестерін берді.