Ұлыбританияның Уиган қаласындағы ауруханада үйлену тойы өтті, деп хабарлайды.

51 жастағы Ник Гловер маусым айында заңды неке қимақ болған. Алайда ауыр сырқатқа байланысты бұл істі кейінге шегеруге тура келіпті.

Былтыр ер адамда ұйқы безінің қатерлі ісігі анықталған еді. 27 сәуір күні ол ауруханаға жеткізілді. Дәрігерлер тойды ұзаққа созуға болмайтынын айтқан.

Неке қию рәсімі сол күні ауруханада өткізілді. Ер адамның қарындасы мен досы куәгер болған. Неке қиғаннан соң бірер сағаттан кейін күйеу жігіт көз жұмды.