Вьетнамда той кортежі жол апатына ұшырап, 13 адам көз жұмды
Вьетнамда күйеу бала мен той қонақтары мінген көлік жол апатына ұшырап, 13 адам көз жұмды, деп хабарлайды Baq.kz ақпарат агенттігі РИА Новости басылымына сілтеме жасап.
Басылымның мәліметінше, жол апаты дүйсенбі күні таңертең елдің орталық бөлігінде орналасқан Куангам провинциясында болған. Күйеу жігіт туыстары мен достарын ертіп қалындығының туған қаласына жолға шығады.
17 адам мінген көлік жол бойында жүк көлігімен бетпе-бет соқтығысқан. Салдарынан 13 адам мерт болдын, оның ішінде отау құрмақшы болған жас жігіт те бар. Тағы төрт адам жарақат алған.
Baq.kz
