Қазалы Қазалы аудандық қоғамдық-саяси газет
» » » Абай арманы» мәреге жетті

Абай арманы» мәреге жетті

«Ақ жол» партиясы ұйымдастырған Абай Құнанбайұлының 175 жылдығына һәм Қазақ Республикасының 100 жыл­дығына арналған «АБАЙ АРМАНЫ – ТӘУЕЛСІЗ ҚАЗАҚ ЕЛІ» атты халықаралық мүшәйраның қоры­тын­дысы жарияланды.

  Халықаралық «Алаш» әдеби сыйлығының лауреаты Ғалым Жайлыбай, ақын Серік Тұр­ғынбекұлы, сыншы, прозаик Бақыт Сарбалаев, ақын Нұрлан Әбдібектің қазылығымен өткен жыр додасына барлығы 150-ден астам өлең келіп түскен.
Мүшәйра қорытындысы бойынша, Абай атындағы Бас жүлде – Азамат Тасқараұлына, Әлихан Бөкейхан атындағы І орын – Исрайыл Сапарбайға, Ахмет Байтұрсынұлы атындағы ІІ орын – Абзал Бөкенге, Мұстафа Шоқай атын­дағы ІІ орын – Әлібек Шегебайға, Мір­жақып Дулатұлы атындағы ІІІ орын – Әубәкір Қайранға, Сұлтанбек Қожанұлы атындағы ІІІ орын – Аманғазы Кәріпжанға, Әлімхан Ермеков атындағы ІІІ орын – Ақылбек Шаях­метұлына бұйырды. Сондай-ақ Батырхан Сәрсенхан – Мағжан Жұмабаев атындағы, Мирас Асан – Сұлтанмахмұт Торайғыров атындағы, Бауыржан Қарабек – Шәкәрім атындағы, Жәлел Шалқар – Жалау Мыңбаев атындағы, Ерғали Бақаш – Нәзір Төреқұлов атындағы, Мағиза Құнапия – Жүсіпбек Ай­мауытов атындағы, Роза Сейілхан – Мұха­меджан Тынышбаев атындағы, Дәулет Тел­манов – Садық Аманжолов атындағы, Мақсат Ережеп – Райымбек Мәрсеков атындағы, Әсел Оспан – Нұртас Оңдасынов атындағы, Ұлмекен Лесбек – Жұбан Молдағалиев атын­дағы, Майра Қуанышқызы – Жұмабек Тә­шенов атындағы «Қазақ үні» газетінің арнайы жүлдесін иеленді.
Марапаттау рәсімі барысында сөз алған «Ақ жол» партиясының төрағасы, Мәжі­ліс депутаты Азат Перуашев барлық қатысу­шыларға алғыс білдіріп, жүлдегерлер мен қазылар алқасы мүшелеріне партия тапсырысы бойынша Еуропада жасалған «Қазақ Республикасына 100 жыл» мерекелік медалін табыстады.




18 ақпан 2021 ж. 105 0

Жаңалықтар мұрағаты

«    Ақпан 2021    »
ДсСсСрБсЖмСбЖс
1234567
891011121314
15161718192021
22232425262728