Жолдау – жаһандық бәсекеге қабілеттілікті арттырады

Қызылорда облысының кәмелетке толмағандардың істері жөніндегі мамандандырылған ауданаралық соты Елбасының Қазақстан халқына арнаған кезекті Жолдауын талқылады.

Іс-шараға соттың төрағасы Қ.Абдуллаев, судья Қ.Бержанов және қалалық, аудандық білім бөлімдерінің өкілдері қатысты.

Сот төрағасы Қанатбек Абдуллаев өз сөзінде «Елбасымыз  Нұрсұлтан Назарбаев ағымдағы жылдың 10 қаңтарында «Төртінші өнеркәсіптік революция жағдайындағы дамудың жаңа мүмкіндіктері» атты жаңа Жолдауында жаңа әлемде бейімделу мен жетістікке жету үшін нақты 10 міндетті тапсырма бергенін атап өтті.

Аталмыш Жолдауда дағдарыстан өту, ресурстық әлеуетті одан әрі дамыту, тиімді мемлекеттік басқару, жемқорлықпен күрес және заңның үстемдігі  жөніндегі бағыттағы мәселелер турасында түсініктер беріп, әлем терең және қарқынды технологиялық, экономикалық және әлеуметтік салалардағы өзгерістер кезеңіне қадам басқанын, осы жаһандық өзгерістерге дайын болу қажеттілігі туралы айтылғанын жеткізді.

Сонымен қатар, жемқорлықтың алдын алуға бағытталған күрес, мемлекеттік органдардағы процестерді, соның ішінде олардың халықпен және бизнеспен қарым-қатынасты цифрландырудың маңыздылығы, сот және құқық қорғау жүйелерін институционалды тұрғыдан өзгерту жүзеге асырылып жатқандығы айтылды.