Ақсуаттағы «Қорқыт ата» компрессорлық газ тарату стансасының ұжымы дауыс берді

Қазалы ауданына қарасты Ақсуат ауылындағы «Қорқыт ата» компрессорлық газ тарату стансасының ұжымы ел өміріндегі маңызды саяси науқан - Құрылтай сайлауына белсенділікпен атсалысып, ауызбіршілік таныта отырып дауыс берді.

Ұжым мүшелері ауылдық округтегі №85 сайлау учаскесіне бірге келіп, азаматтық белсенділіктерін көрсетті. Аталған учаскеде барлығы 680 дауыс беруші тіркелген. Қазіргі таңда олардың 100-ден астамы өз таңдауын жасап үлгерді.

Ел болашағына бейжай қарамай, маңызды науқанға ұйымшылдықпен қатысу – ортақ жауапкершіліктің көрінісі.