Ұстаздар қауымы ұйымшылдықпен дауыс берді
Қазалы ауданындағы №83 сайлау учаскесінде орналасқан Қ.Пірімов атындағы орта мектептің ұжымы саяси науқанға бір кісідей атсалысып, өз таңдауларын жасады.
Ұжым мүшелері жұмыс басталар уақыттан бұрын сайлау учаскесіне келіп, ел ертеңіне бейжай қарамайтындарын көрсетті.
– Әр адамның таңдауы – ауданның дамуына қосқан үлесі. Сондықтан бұл маңызды күнге жауапкершілікпен қарауымыз керек, – дейді ұстаздар қауымы.
Сайлау учаскесінің төрағасы ұжымның белсенділігіне ризашылық білдіріп, бұл қадам жастарға үлгі екенін атап өтті.
Сайлау барысы ұйымшылдықпен өтіп, дауыс берушілер легі үзілген емес.
