ШӘКЕН АУЫЛЫНЫҢ ТҰРҒЫНДАРЫ РЕФЕРЕНДУМДА БЕЛСЕНДІЛІК ТАНЫТУДА
Қазалы ауданына қарасты Шәкен ауылының тұрғындары республикалық референдумда жоғары белсенділік көрсетуде. Ауыл тұрғындары ауызбіршілік танытып, №71 референдум учаскесіне бірлесе келіп, өз таңдауларын жасауда.
Аталған учаскеде барлығы 378 дауыс беруші тіркелген. Таңертеңнен бастап ауыл тұрғындары келіп, ел болашағына бейжай қарамай, азаматтық ұстанымдарын білдіріп, саяси науқанға белсенді түрде қатысуда.
Ауыл ақсақалдары мен ақ жаулықты аналар, жастар мен түрлі сала өкілдері бірліктің үлгісін көрсетіп, референдумның маңызын жоғары бағалап отыр. Бұл – ауыл тұрғындарының ел дамуына деген жауапкершілігі мен ортақ іске деген жанашырлығының айқын көрінісі.
