Қазақстан мал терісін қай елдерге экспорттап отыр?
Коллаж: Kazinform/Midjourney/DALL-EKAZINFORM – Ауыл шаруашылығы министрлігі Kazinform сауалына жолдаған жауапта Қазақстаннан мал терісі қай елдерге экспортталатынын мәлім етті.
- 2023 жылдың қорытындысы бойынша 2 млн 548,5 мың дана ірі қара терісі өндірілді. Оның 8%-ы (208,3 мың дана) қайта өңдеуге жіберілсе, 13,7%-ы (349,6 мың дана) Ресей Федерациясына, Түркияға, Қырғызстанға, Нигерияға экспортталды. Ал Ресейден 4,5 мың дана тері импортталған. Өндірілген терінің 78%-ы (1 млн 997,1 мың данасы) – өңделмеген қалдық. Осылайша ірі қара терісінің 8%-ы ғана өңделеді, яғни шикізат көлемі саланың өңдеу мен өткізу мүмкіндігінен айтарлықтай жоғары, - деп жазады министрліктегілер.
Өңдеуге кеткен 208 мың дана теріні елдегі 9 кәсіпорын бөліп алған деуге болады. Бұл кәсіпорындардың жобалық қуаты елде жыл сайын өндірілетін терінің көлемінен де жоғары. Бірақ жүктеме деңгейі өте төмен.
- Республикада теріні бастапқы өңдейтін 9 кәсіпорын жұмыс істейді. Өңдеуші кәсіпорындардың қуаттылығы 3,3 млн данаға дейін ірі қара терісін, 4 млн дана ұсақ малдың астам терісін өңдеуге мүмкіндік береді. 2023 жылы жүктелу 6,3% болды, - деп жазылған жауапта.
Өңдеуге кеткен 208 мың дана теріні елдегі 9 кәсіпорын бөліп алған деуге болады. Бұл кәсіпорындардың жобалық қуаты елде жыл сайын өндірілетін терінің көлемінен де жоғары. Бірақ жүктеме деңгейі өте төмен.
- Республикада теріні бастапқы өңдейтін 9 кәсіпорын жұмыс істейді. Өңдеуші кәсіпорындардың қуаттылығы 3,3 млн данаға дейін ірі қара терісін, 4 млн дана ұсақ малдың астам терісін өңдеуге мүмкіндік береді. 2023 жылы жүктелу 6,3% болды, - деп жазылған жауапта.
