Қазақстанда суицид дерегі жиіледі: 15 мың сайт бұғатталды
Фото: depositphotos.comБас прокурор Берік Асылов кейінгі кезде жиілеп кеткен суицид мәселесіне қатысты пікір білдірді, – деп хабарлайды Massaget.kz.
"Балалардың өзіне-өзі қол жұмсау толқыны қоғамда резонанс тудырды. Прокурорларға әр дерек бойынша тергеуді ерекше бақылауды тапсырдым. Әлеуметтік желілер балалардың суицид белсенділігіне әсер ететіндіктен прокурорлар 15 мың зиян сайт пен сілтемені бұғаттады", – деді Асылов Х әлеуметтік желісіндегі парақшасында.
Бас прокурор тиісті органдар қиын тұрмыстық жағдайдағы отбасылармен жұмыс істеп жатқанын мәлімдеді.
"Мемлекеттік органдармен суицидтің алдын алу бойынша шұғыл шаралар кешенін әзірлейміз" – деді ол.
Суицидке қандай балалар бейім? Психолог жауабы
Еске салайық, бұған дейін ІІМ ресми өкілі Шыңғыс Алекешев Қазақстанда суицид дерегі жиілеуіне байланысты ата-аналарға кеңес берді.
