Таңертеңнен бастап ат шаптырым аумақта орналасқан саябақ ішінде қолдарына қажетті құрал-саймандарын ұстаған қазалылықтар тазалық жұмыстарына біркісідей атсалысты.

Олардың бірі саябақ ішіндегі жаяу жүргіншілер жолын тазаласа, енді бірі талдар мен бардюрдарды әктеді. Сондай-ақ аяқ су арықтары аршылып, ағаштардың қураған бұтақтары кесілді.

Саябақтағы серпінді сенбілікті аудан әкімі Мұхтар Оразбаев аралап, жөндеу жұмыстары жүргізілуі тиіс орындарды көрсетті. Тиісті сала басшысы мен кент әкіміне тез арада орын алған олқылықтарды қалпына келтіруді тапсырды.

Бұл күні аудан орталығы – Әйтеке би кентіндегі шет аймақтар да назардан тыс қалмады. Атап айтар болсақ, "Мектепбай" учаскесі мен "Водокачка" елді мекеніне барар жолдың бойына да тазалық жұмыстары жүргізілді.