Атап айтар болсақ, аудан орталығындағы мекеме-кәсіпорын ұжымдары 5 квартал аумағында қазақ қорымы, кенттің батыс бөлігіндегі "Алтын көпірге" баратын жол, теміржол вокзалындағы айналма жол және "Водокачка" елді мекеніне шығар жолды шашылған қоқыстардан тазартты.

Тазалық жұмыстары өте жоғары ынта-жігермен және белсенді өтті. Сенбілікке шыққандардың өз табиғатын аялауға деген құлшынысы жоғары болды. Өйткені олардың барлығы "Табиғат, қоршаған әлем біздің үйіміз. Біз ондағы тазалық пен тәртіпті сақтауымыз керек" деген пікірде.

Әйтеке би кентіндегі сенбілік жұмыстарын аудан әкімі Мұхтар Оразбаев аралап көріп, туған жерді қоқыстан тазалаушыларға сәттілік тіледі.