Сенбілік – тазалықтың кепілі
Қазалыда күзгі санитарлық тазалық жұмыстары қызу жүргізілуде. Сенбі күні аудан орталығы – Әйтеке би кенті төрт аумаққа бөлініп, сенбілік жұмыстары ұйымдастырылды.Атап айтар болсақ, аудан орталығындағы мекеме-кәсіпорын ұжымдары 5-квартал аумағында қазақ қорымы, кенттің батыс бөлігіндегі “Алтын көпірге” баратын жерлер, теміржол вокзалындағы айналма жол және “Водокачка” елді мекені маңын шашылған қоқыстардан тазартты.
Тазалық жұмыстары белсенді өтті. Сенбілікке шыққандардың өз табиғатын аялауға деген құлшынысы жоғары болды. Өйткені олардың барлығы “Табиғат, қоршаған әлем біздің үйіміз. Біз ондағы тазалық пен тәртіпті сақтауымыз керек” деген пікірде.
Әйтеке би кентіндегі сенбілік жұмыстарын аудан әкімі Мұхтар Оразбаев аралап, туған жерді қоқыстан тазалаушыларға сәттілік тіледі.
«ҚАЗАЛЫ» ақпарат
