Серпінді се,нбілік
Қыркүйек айының алғашқы сенбісінде аудан орталығындағы «Жеңіс» саябағында жаппай тазалық жұмыстары ұйымдастырылды. Сенбілікке аудан әкімдігі мен аудандық мәслихат аппараты, Әйтеке би кенті әкімінің аппараты және дербес бөлімдер қолдау білдірді.Серпінді сенбілік барысында мекеме қызметкерлері мен мамандары саябақ аумағының басым бөлігін тап-тұйнақтай тазалап, көрген көз қуанатындай деңгейге жеткізді.
Сенбілік жұмыстарына арнайы келген аудан әкімі Мұхтар Оразбаев қызметкерлердің жұмысына сәттілік тілеп, ортақ іске ұйыса білген ұжымдарға алғысын айтты.
Сондай-ақ, тиісті сала басшыларына саябақ ішіндегі халық отыратын орындықтардың жанына қоқыс жәшігін орнату, жаяу жүргіншілер жолын айналдыра жарықтандыру, тағы басқа бірқатар мәселелерге қажетті қаржыны есептеп шығаруды тапсырды.
Саябақтағы серпінді сенбілік жұмыстары алдағы аптада да өз жалғасын табатын болады.
"ҚАЗАЛЫ" ақпарат
