Серпінді сенбілік
Қазалыда 19 наурыз – 19 мамыр аралығындағы жалпыхалықтық экологиялық акция аясында кезекті сенбіліктер ұйымдастырылды. Сенбілікте негізгі күш Әйтеке би кентінің шет аймақтарына салынып, бей-берекетсіз шашылған қоқыстар жинастырылды.Көктемгі көркейту-көгалдандыру жұмыстарына аудан әкімі Мұхтар Оразбаев өзі бастап шығып, қазалылықтармен бірге туған жердің таза болуына, қоқыссыз орта қалыптастыруға өз үлесін қосты.
Аудан әкімінің орынбасары Күнтілес Назымбеков жетекшілік жасайтын топ 5 квартал аймағындағы «Қазақ қорымы», аудан әкімінің орынбасары Дәурен Тілеумбетов жетекшілік жасайтын топ «Қарамай көл», «AMANAT» партиясы аудандық филиалының атқарушы хатшысы Нұрғиса Жалғасбаев жетекшілік жасайтын топ «Водокачка» елді мекенінен барар жолдағы күл-қоқыстарды жинастырды.
Ал, Әйтеке би кентінің әкімі Қайрақбай Орынбасаров бастаған қызметкерлер «Батыс Еуропа – Батыс Қытай» халықаралық автожолының «Сухан» қорымынан бастап теміржол бойындағы Алтай бекетіне дейінгі аралықты тазалады.
Сенбілік аясында Әйтеке би, В.Счастнов, Қ.Пірімов көшесі бойындағы темір қоршаулар да жуылып, арықтар да тазаланды.
"ҚАЗАЛЫ" ақпарат
