Ұлы жолдың бойында тағы бір кешен бой көтеруде
Қазалы ауданының аумағынан өтетін «Батыс Еуропа – Батыс Қытай» халықаралық автожолының бойынан тағы бір қызмет көрсету кешенінің құрылысы жүріп жатыр.Бүгін аудан әкімі Мұхтар Оразбаев теміржол бойындағы Еңбекшіқазақ елді мекенінен арнайы барып, жаңадан салынып жатқан кәсіпкерлік нысанның құрылысымен танысты.
Жеке кәсіпкер Әділет Байсуғановтың айтуынша құрылыс жұмыстары жақын күндері аяқталып, жолаушыларға қызмет көрсететін кешен пайдалануға берілмек.
Бұл күні аудан басшысы Мұхтар Оразбаев Әйтеке би кенті мен Басықара ауылының арасында жөнделіп жатқан көпір құрылысымен танысты. Көпжан Бижанов басшылық жасайтын «Жылу – ХХІ» ЖШС құрылысшылары жөндеу жұмыстарымен кестеге сәйкес жүргізуде.
"ҚАЗАЛЫ" ақпарат
