Бір жарым жастағы қыз анасы мен өзін құтқарып қалды
Тергеу комитетінің Тelegram желісіндегі арнасында Ресейдің Мурманск облысында бір жарым жастағы қыз бен екі әйелдің үстіне қар үйіндісінің опырылып құлағаны туралы бейнежазба жарияланды, деп хабарлайды Baq.kz ақпарат агенттігі Ria.ru сайтына сілтеме жасап.Бейнекадрлардан ғимарат кіреберісінде екі әйелдің тұрғанын және оның біреуінің қолында қызы барын көруге болады. Бір уақытта кішкентай қыз анасын басқа жаққа тартқылай бастайды. Әйел болса таныс құрбысымен сөйлесіп тұрып қызымен бірге артқа шегіне береді. Сол кезде үй шатырынан алып қар құлап түседі.
Тергеу комитеті осы оқиғаға байланысты тексеру жүргізіп жатыр.
