Қарашада ауа райы қандай болады?
Синоптиктердің болжамына қарағанда алдағы күндері еліміздің батысында ауа температурасы нормадан 4 градусқа дейін төмендейді. “Қазгидромет” РМК мамандары ауа райы қандай болатынын хабарлады.Ресейдің Еуропа бөлігінде белсенділігін арттырған кезекті циклон алдағы тәулікте Орал тауына қарай, ал оның суық фронттары Қазақстанның батыс және солтүстік-батыс аймақтарына жылжиды.Циклон мен фронттардың шығысқа жылжуына байланысты республиканың қалған өңірлерінде де жаңбыр мен жылбысқы қар жауып, екпінді жел, кей жерде бұрқасын соғады, көктайғақ болады, – деп хабарлады синоптиктер.
Мамандардың мәліметінше, климат нормасынан 3-6, республиканың солтүстігінде 8-13 градус жоғары болған ауа температурасынан кейін күн суиды. Қараша айының басында батыс өңірлерінде ауа температурасы орташа көпжылдық нормадан 2-4 градус төмен болады.
baribar.kz
