Демалыс күндері бірқатар өңірде қар жауып, боран соғады

Синоптиктер алдағы демалыс күндеріне арналған ауа райы болжамын жариялады, деп хабарлайды Baq.kz ақпарат агенттігі.

«Алдағы демалыс күндері Қазақстандағы ауа райын циклон және онымен байланысты атмосфералық фронттар анықтайтын болады. Республиканың көптеген өңірлерінде қар, боран және екпінді жел болады. Ал елдің оңтүстігінде көктайғақ болып, тұман түседі», - деп жазылған хабарламада.

Дүйсенбі күні Қазақстанның Батыс өңірлерінен басқа аймақтарында ауа температурасы тағы төмендеуі мүмкін.

«Батыста ауа температурасы жоғарылап, нормадан 3-8 градусқа дейін көтеріледі. Қазақстанның қалған аумағында бұл күндері ауа температурасы орташа нормаға жуық болады», - дейді синоптиктер.

Baq.kz