Жақында аудан әкімі Мұрат Ергешбаев аудан әкімінің орынбасары Ғалымжан Еркебай мен аудандық бі­лім беру бөлімінің басшысы Бектұр Қали­ды қабылдады. Онда білім беру ұйымдарының 2018-2019 жылдарға жылу беру маусымына дайындығы барысы талқыланды.

Жалпы ауданымызда білім бөліміне қарасты 36 мектеп (3 негізгі, 33 орта), 1 балабақша (№7 «Балдырған») және 4 қосымша (әуез мектебі, оқушылар үйі, кешкі мектеп және «Шағала» БСДО) білім беру ұйымдары бар.

Қабылдауда аудан әкімі қала, кент, ауыл-аймақтардағы білім беру ошақтары мен балабақшалардың жылу маусымына дайындығын білді. Маусымды сәтті аяқтау үшін қажетті құрал-жабдықтар мен бу қазандарын қайта жаңарту керектігі жөнінде жауапты басшыларға бірқатар тапсырмалар жүктелді.