Аппарат мәжілісінде өзекті мәселелер талқыланды

Бүгін аудан әкімдігінің мәжіліс залында аудан әкімі М.Ергешбаевтың төрағалығымен аппарат мәжілісі болып өтті. Аудан басшысы ең алдымен бүгінгі жиынның күн тәртібіне қойылған өзекті мәселелерге тоқталды.

Одан әрі, мал шаруашылығын дамыту мәселелері бойынша Қазалы ауданының ауылшаруашылығы бөлімінің басшысы Ө.Өтеп-Әлі, елді-мекендердегі жердің пайдаланылуы мен қорғалу барысы туралы Қазалы ауданының жер қатынастары бөлімінің басшысы А.Жанұзақ, әлеуметтік нысандардың қысқы жылу беру маусымына дайындығы жөнінде аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Ә.Әбиев, ауылдарда кәсіпкерлікті дамытуға байланысты Майлыбас ауылдық округінің әкімі Ж.Қаныш, Басықара ауылдық округі әкімі Ғ.Сейсенов хабарлама жасап, атқарылып жатқан жұмыстардың барысын баяндады.

Жиынды қорытындылаған аудан әкімі талқыланған мәселелердің өзектілігін ескертіп, жүйелі жұмыстарды мерзімінде аяқтауды тапсырды.