Латын әліпбиі – Рухани жаңғыру бастауы

Бүгінде ең өзекті, тағдыршешті мәселенің бірі – қазақ тілін латын әліпбиіне көшіру. Тарихи тамыры терең тұғырлы тілімізді түлетіп, санамызды сілкіген заман талабы әлі күнге дейін жұрт арасында қызу талқыланады. Бекарыстан би ауылдық мәдениет үйінде қазақ тілі әліпбиін кириллицадан латын графикасына көшіру саясатын қолдау мақсатында «Латын әліпбиі – Рухани жаңғыру бастауы» атты мектеп оқушыларымен дөңгелек үстелде кездесу өткізілді.
Кәсіпорынның көркемдік жетекшісі Сырлыбай Қанат «тұтастай алғанда, латын әліпбиіне көшуді дұрыс таңдау» деп санайды.
– Жастар жағы латын әліпбиіндегі қазақ жазуын тез меңгеріп алады. Оның үстіне осы бір әліпбиге бейімделіп, күнделікті өмірде пайдалануды әдетке айналдырсақ, сонау Еуропа елдеріне, сарқылмас білім көзін ашар жол ашылар еді. Сондықтан латын әліпбиін үйрену мен әлі де тереңірек зерттеуді қолға алсақ, – дейді ол.
Сонымен қатар жастарымыз «LED экран» арқылы латын әліпбиіне көшу жайында бейне ролик тамашалады.
Қортындылай келе, мектепте ағылшын тілі оқытылатындықтан олар латын әліпбиін тез қабылдайтыны сөзсіз. Жаңа латын әліпбиі қолдануға өте ыңғайлы, әлемдік жаңа технологияларға бейімделген тіл екіндігі айтылды.